Jackasses or Smartasses?

This one is dedicated to the morons I am surrounded by...

Idhar bhi gadhe hain,udhar bhi gadhe hain,

jidhar dekhata hun, gadhe hi gadhe hain,

gadhe hans rahe, aadami ro raha hain,

hindostan main yeh kya ho raha hain?

jawani ka aalam gadhon ke liye hain,

yeh rasiya, yeh baalam gadhon ke liye hain,

yeh dilli, yeh paalam gadhon ke liye hain,

yeh sansaar saalam gadhon ke liye hain,

tu pilaye ja saaki,pilaye ja dat ke,

tu whisky ke matake pe matake pe matke,

main duniya ko ab bhoolana chahata hun,

gadhon ki tarah ab jhoomana chahata hun,

ghodon ko milati nahin ghaas dekho,

gadhe kha rahe chyavanprash hain dekho,

yahaan aadami ki kahaan kab bani hain,

yeh duniya to gadhon ke liye hi bani hian,

jo galiyon main dole, wo kaccha gadha hian,

jo kothe pe bole wo saccha gadha hain,

jo keton main dikhe wo fasali gadha hain,

jo mauke par cheekhe wo asli gadha hain,

main kya kah gaya hun, yeh kya kah gaya hun,

nashe ki pinak main kahaan bah gaya hun,

mujhe maaf karana main bhataka hua tha,

wo tharra tha, bheetar jo atka hua tha!!

- Kavi Om Prakash Aditya